Շիրակի  մարզի Ղարիբջանյանի  միջնակարգ  դպրոցը  հիմնադրվել  է   1924թ.: 60-ականներին նկատվում է գյուղի  բնակչության աճ:  Գյուղի յոթնամյա  դպրոցը  դառնում է  ութամյա, իսկ 1986 թվականին միջնակարգ:  1988 թվականից դպրոցը գործում  է  հարմարեցված`  1985 թվականին  գյուղում կառուցված մանկապարտեզի  երկհարկանի շենքում:  Ղարիբջանյանի  միջնակարգ դպրոցի  շատ շրջանավարտներ  ուսումը շարունակել են Երևանի և Գյումրու  տարբեր բարձրագույն ուսումնական  հաստատություններում, քոլեջներում: 2008 թվականի  սեպտեմբերից  գործում է դպրոցի  նախակրթարանը: