Անահիտ Աշոտի Հակոբյանը ծնվել է 1975 թվականին Գյումրիում։ 1997 թվականին ավարտել է Գյումրու Մ. Նալբանդյանի անվան պետական մանկավարժական ինստիտուտը՝ ստանալով ընդհանուր տեխնիկական առարկաների, աշխատանքի, ինֆորմատիկայի և հաշվողական տեխնիկայի ուսուցչի որակավորում։ 2019 թվականին ավարտել է Հայաստանի պետական տնտեսագիտական համալսարանի մագիստրատուրան՝ «Հանրային ֆինանսներ» մասնագիտությամբ։ Մանկավարժական գործունեությունը սկսել է 1997 թվականին՝ աշխատելով Գյումրու թիվ 42 միջնակարգ դպրոցում որպես մաթեմատիկայի ուսուցիչ։ Հետագայում աշխատել է Գյումրու թիվ 25 միջնակարգ դպրոցում, իսկ 2005 թվականից՝ Ղարիբջանյանի միջնակարգ դպրոցում՝ զբաղեցնելով ուսուցչի, օպերատորի և էլեկտրոնային կառավարման ու դասավանդման ապահովման մասնագետի պաշտոններ։ 2024 թվականից զբաղեցնում է Ղարիբջանյանի միջնակարգ դպրոցի տնօրենի պաշտոնը։ Ունի դպրոցի ղեկավարման իրավունքի հավաստագրեր և գնումների համակարգողի որակավորում։ Մասնակցել է տեղեկատվական տեխնոլոգիաների, տնտեսագիտության, ձեռնարկատիրական կրթության, կրթական կառավարման և հանրակրթության պետական նոր չափորոշիչների վերաբերյալ մասնագիտական վերապատրաստումների։